Caitheamh bìdh

A h-uile latha bidh sinn a' sadail às nan tunnaichean de bhiadh. Carson a tha sin agus ciamar a chuireas sinn stad air?

This video can not be played

To play this video you need to enable JavaScript in your browser.

Carson a bhios sinn a' caitheamh biadh?

Bidh biadh a' dol dhan bhiona oir:

Bidh sinn a' ceannach barrachd na dh'fheumas sinn.
Bidh sinn a' bruich agus a' lìonadh nan truinnsearan againn le barrachd 's na dh'itheas sinn.
Cha bhi sinn a' cleachdadh biadh mus tèid an deit aige seachad.
Cha bhi sinn a' stòradh biadh mar bu chòir agus thèid e a dhìth nas luaithe na bu chòir.

A' stòradh biadh

Ma thèid biadh a stòradh ceart, mairidh e nas fhaide. Seo eisimpleirean:

Feumaidh tu aran a chumail ann an àite fionnar, dorcha.
Tha e nas fhèarr leiteas a chumail ann an drathair sailead sa frids.
Bu chòir càise a chòmhdach agus a chumail fionnar sa frids.

Cliog tron taisbeanadh gu h-ìosal agus faigh a-mach dè bu chòir dhut a stòradh anns gach àite.

Skip image gallery

Image caption,
Frids
Bu chòir bainne, ìm, iogart, feòil, iasg agus lusan a bhith sa frids airson an cumail fionnar agus ùr.
Image caption,
Frìosair
Faodaidh lusan reòta, corran bìdh agus feòil a dhol dhan frìosair.
Image caption,
Preasa
Faodaidh tu pasta, tionaichean brot agus pònair, gràinean, aran agus crogain a chumail sa phreasa. An dèidh am fosgladh, bu chòir crogain a chumail sa frids. Bu chòir biadh sam bith a tha air fhàgail ann an tiona a chur ann an soitheach le ceann air agus a chur dhan frids. Bu chòir aran a chòmhdach gus nach fàs e cruaidh.

Dèan todhar!

Ged a bhiomaid a' feuchainn gun chàil a chaitheamh, uaireannan bidh corran bìdh againn. Mus cuir sinn dhan bhiona iad airson an cur dhan talamh, bu chòir dhuinn stad agus smaoineachadh air… todhar!

Dè th' ann an todhar gàrraidh?

Bidh todhar gàrraidh air a dhèanamh nuair a lobhas agus a bhriseas biadh sìos agus a thèid e na ùir.
Tha e furasta biona todhar gàrraidh a dhèanamh bho bhiona plastaig le tuill ann.
Lìon am biona airson todhar gàrraidh le corran mheasan, lusan, feur air a ghearradh agus stuth sam bith eile às a' ghàrradh. Faodaidh tu cuideachd pocannan-teatha agus cnapan pàipeir a chur ann.
Chan fhaodar corran bho stuthan bheathaichean mar feòil a chur dhan mhòr-chuid de bhionaichean todhar gàrraidh.
An ceann ùine brisidh an sgudal sìos agus thèid e na ùir a bhios làn mathachaidh.
Tha an ùir seo math airson lusan ùra fhàs. Dh'fhaodadh tu an todhar gàrraidh a chleachdadh airson lusan fhàs dhut fhèin.

Biona todhar gàrraidh le biadh agus stuth às a' ghàrradh — Image caption,
Faodaidh measan, lusan, feur air a ghearradh agus stuth eile às a' ghàrradh a dhol ann am bionaichean todhar gàrraidh.