Eadar-ghluasad (a' gluasad lùb, mar as trice air axis)
Bhon a tha fios agad a-nis cò ris a tha na grafan coltach bho thùs, bheir sinn sùil air a' choltas a bhiodh air grafan san riochd:
\(y = a\sin bx + c\)
far a bheil:
- a = meudachd (leth na faid bho na luachan as motha chun nan luachan as lugha)
- b = àireamh nan tonn eadar 0˚ agus 360˚
- c = dè uiread 's a ghluais an graf suas (c > 0) no sìos (c < 0)
Eisimpleirean de sgeidseadh ghrafan
1) Sgeids an graf aig \(y = 5\sin 2x^\circ + 4\)
- meudachadh = 5, mar sin 's e 10 an diofar eadar an luach as motha agus an luach as ìsle
- àireamh nan tonn = 2 (Tha peiriad de 360˚ ÷ 2 = 180˚ aig gach tonn)
- ghluais e suas 4 (bhon a tha c > 0)
- a' phuing-tionndaidh as motha nuair a tha \((5\times 1)+4=9\) agus a' phuing-tionndaidh as lugha nuair a tha \((5\times 1)+4=-1\) (Tha seo air sgàth 's gur e 1 an luach as motha aig co-dhiù 's e sine no sin2x a th' ann, agus 's e -1 an luach as lugha aig sine.)
Seo mar a tha an graf:
2) A' sgeidseadh a' ghraf aig \(y = 3\cos \frac{1}{2}x^\circ - 1\)
- meudachd = 3, agus mar sin 's e 6 an diofar eadar an luach as motha agus an luach as ìsle
- àireamh nan tonn = 0.5 (Tha peiriad 360˚ ÷ 0.5 = 720˚ aig gach tonn)
- ghluais e sìos 1 (bhon a tha c < 0)
- a' phuing-tionndaidh as motha nuair a tha \(y=(3\times 1)-1=2\) a' phuing-tionndaidh as lugha nuair a tha \(y=(3\times 1)-1=-4\)